Gardsutsal

I Gardsutsalet vårt finn du noko for ein kvar smak. Rein, naturleg eplemost frå garden, utan tilsetjing av noko slag – ”Flytande eple”. Ulike typar plommesyltetøy, bringebærsyltetøy, chutney, hermetisk frukt eller andre godsaker.

Lammekjøt
Lammekjøt av ulike slag som er foredla etter gamle tradisjonar på garden. Her finn du fenalår, røykjekjøt, sysekorv, spekepølse og anna godt. Me har og ein del fersk kjøt, til for eksempel grillen; lårskiver, bogskiver, lammekotelettar, lammekjøtdeig, lammelår og grytekjøt med bein.

Fruktprodukt
Kjem du i fruktsesongen kan du få kjøpe med deg fersk frukt om me har. Sesongen begynner med moreller i byrjinga av august, og så fyljger plommer, pærer og epler. Eplene held seg til jol i nokon sesongar, men dette varierer. Ta kontakt for å høyre om det gjeld denne sesongen!